El bául de les alcordances

Bonos díes chic@s!!!!

                  Güei ye, martes 9 de xunu de 2020

Yá tamos finando 'l cursu y nel colexu quedónos a medies de facer el nuesu "Bául de les alcordances". Nél díbamos a xuntar xuegos, frases feches, refranes, cosadielles, cuentos, etc...de tradición oral pa enseñáselo a les nueves xeneraciones, pa que nun desapaezcan. ¿Vos alcordáis de lo que yera la tradición oral? 

L' actividá yera que les vueses families vos contaren dalgún xuegu, refrán, canciu o dalguna cosadiella pa que llueu vosotros traxeráislo a clase y pusieramoslo nel Bául. ¡¡¡FICISTEISLO XENIAL!!! 

Dada la situación d' excepcionalidá na que entramos y tamos, el bául quedó ensin finar pero ehí va a siguir pal próximu cursu. 

Equí déxovos dalgunos exemplos y pa finar les tarees si en casa vos enseñen dalgún xuegu más o dalgún refrán, mandáimelo pol corréu. 

REFRANES: 

"Cuando'l carru canta, el güé rabia"

"N'abril, agues mil"

"Non por munchu madrugar amanez más temprano"

"Val más páxaru en mano que ciento volando"

"A mal tiempu bona cara"

COSADIELLES: 

"Una señorina mui señorina con munchos remiendos y nenguna puntada"

"Nel monte ñaz, nel práu pace, nel ríu bebe cuando tien sede ¿qué ye?"

"Blanca por dientro, verde por fuera si nun sabes espera, ¿qué ye?"

"Soi verde y gústame blincar, xugar nos charcos y tamién sé croar. ¿Quién soi?"

"¿Qué cosa cosadiella ye que tien la color de l'ablana, ablanes xinta tamién, esguilando de caña en caña failo perbién?

                      

                                                 ¿Sois quien a adivinar les cosadielles? 

Un besazo enorme pa toos y de nuevo: MUNCHISIMES GRACIES A ESOS PAPÁS Y MAMÁS QUE TANTO AYUDAN!