¡Tamos de vuelta!

Equí siguimos chic@s! ¿Qué tal van les coses? Dempués d' esta Semana Santa un pelín diferente y que nengunu olvidaremos enxamás, siguimos equí xuntos anque tengamos pol medio unes pantalles. 

Güei vengo a desplicavos como vamos llevar dende güei 'l blog. 

Voi centrame nel horariu que teniamos nel cole xuntándolo un poco: habrá publicaciones dos díes a la selmana, los martes y los xueves anque eso nun quita que dalgún otru día pueda cuntavos dalgo más. Los martes espublizaré xeres dirixíes pa 4º, 5º y 6º sobre too ya que teniamos clase los martes y miércoles y los xueves espublizaré xeres pa 1º, 2º y 3º. Anque si dalguno quier ver y probar les xeres d' otros cursos puede facelo ensin problema, ¡claro que si! Toes eses xeres yá sabéis que van ser col fin de repasar lo yá visto, ensin adelantar materia. Duldes que tengáis o coses que vayáis faciendo y queráis enseñámelas nun duldeis y escribiime al correu electrónicu o per equí, taré encantada de saber de vosotr@s.

A parte d' esto cuntavos que dende la selmana pasada, la Conseyería d' Educación xunto a la TPA tan faciendo un programa educativu nel que incluyen clases de llingua y cultura asturiana, anímovos a velo dalgún qu' otru día, a les 10:30 na A7 y a les 11:30 na A8 (TPA). Suelen alternar edades, ún día pa más mayores incluyendo hasta Bachiller y otru día pa más pequeños. ¡Animaros que ta perguapu!