Día del llibru 1° 2° y 3°
Bonos díes chic@s!
Güei ye, xueves 23 d' abril de 2020
Güei cellébrase 'l día del llibru y como bien dixi 'l martes a los vuesos collacios de 4° 5° y 6° de xuru qu' en clas tariamos entamando dalgo, asina que vos propongo lo mesmo qu' a ellos:
Vamos echar un güeyin per casa, de xuru que los vuesos pas o vosotros tenéis dalgún llibru ESCRITU n' asturianu (que non solamente trate d' Asturies, fixaivos bien!) si non, nun pasa nada voi dexavos equí unos enllaces a dalgunos cuentos pa que podáis facelo igualmente.
¿Y qué vamos faer? UN VIDEU XUNTOS! Sí sí, vamos facelu ente toos y pa ello necesito que col móvil vos graben (en vertical) enseñando o diciendo el títulu del llibru y lleendo un trocín de nada. Llueu mandáismelo al corréu ellectrónicu o por Teams antes d' esti domingu y asina cuando xunte lo de toos facemos un vídeu que quede nel colexu pa que dientro d' unos años otros neños puedan velo :)
"Vamos baillar embaxu una estrella":
Editorial Pintar - Pintar:
http://www.digital.pintar-pintar.com/bookcase/combj [fixáivos porque hai llibros en castellán y asturianu mezclados. Garrái solo los que ten n' asturianu. Onde pone "ALL" podemos seleccionar solo los d' asturianu]
¿Qué vos parez l' actividá de güei? ¿Animáisvos?
Alcordáivos siempre de pedir permiso en casa, tienen que tar d' alcuerdu.
¡¡¡Feliz día del llibru!!!
¡Vos echo de menos! ¡Vémonos!
Comentarios
Publicar un comentario