¿Aú ta...?

Bonos díes chic@s;

¿Qué tal vais? Güei vamos repasar los conceyos d' Asturies, voi poner equí unos enllaces con unos xuegos qu' espero nun tengais problemes. Nellos señalaré qué cursos pueden facer caún pero si vos animáis y queréis facer toos yo encantada, ¿vos atrevéis?

Asturies tien 78 conceyos: unos grandes, como Cangas o Allande nel occidente y otros más piquiñinos hasta tal puntu de tener un conceyu dientro d' otru como ye 'l casu de Noreña que ta dientro de Siero. La capital d' Asturies ye Uviéu, cerquina del nueso cole! Anque la primera capital foi Cangues onde 'l puente, la Santina y Pelayu...

A ver si los mayores s' alcuerden.... ¿por qué nun faía falta dicir "Cangas del Narcea" o "Cangas de Onís" n' asturianu? ¿por qué lo separtamos y diferenciamos en Cangas o Cangues? Pensái onde ta caún d' ellos y como se fala en caúna d' eses zones. 😉😉

Xeres pa toos y toes: 

https://es.educaplay.com/recursos-educativos/5333938-cuantos_conceyos_alcuentras.html

Xeres a partir de 3º y 4º: 

https://es.educaplay.com/recursos-educativos/5330199-au_ta.html

Xeres pa 5º y 6º: 

https://es.educaplay.com/recursos-educativos/5329832-conceyos.html

Esto entama a complicase....pero podéis con ello!!! Si tenéis cualquier dulda podéis entrugame o mirar un mapa,  pero intentáilo!!! 

Alcordáivos: ¡UN DÍA MENOS PA VOLVER A VENOS! ¡Sois unos campeones!